LRT пойыздары сағатына 80 км жылдамдықпен жүреді

Астанада LRT пойыздары алғаш рет бар жылдамдығымен жүріп көрді. «Әуежай» стансасынан «Нұрлы жол» стансасына дейінгі аралықта пойыздар мен инфрақұрылымға жоспарлы тексеріс жүргізілген. Сынақ барысында жылжымалы құрам жобада көрсетілген ең жоғары – 80 км/сағ жылдамдыққа дейін жетті. Бұл көрсеткіш жүйенің техникалық мүмкіндіктері талапқа сай екенін көрсетті. Мамандардың айтуынша, мұндай сынақтар көлік түрінің қауіпсіз жұмыс істеуін қамтамасыз ету үшін аса маңызды.