«Digital Qazaqstan»: Форум жаңа жобаларға жол ашады

«Digital Qazaqstan» форумында сіз бен біздің өмірімізге қажетті әрі тиімді ұсыныстар талқылануда. Форум – бизнес пен өнеркәсіптегі жаңашылдыққа ғана емес, мемлекеттік мекемелер арасындағы да цифрлық өзгерістерге қатысты қызықты тартыс алаңына айналды.

Дмитрий Мун, ҚР ЖИ және цифрлық даму вице-министрі:

Нақты тәжірибе алмасамыз. Қазақстан алғашқылардың бірі болып Жасанды интеллект туралы заң қабылдап, цифрлық кодексті әзірлеген және цифрлық құқықтарды Конституция деңгейінде бекіткен ел. Жаппай цифрландыру мен жасанды интелектіні экономиканың барлық секторында, мемлекеттік қызметте іске асыруды көздейміз. Әзірге 1 миллион ел азаматына жасанды интелектіні пайдалану тетігін үйреттік. Әрі қарай барлық мемлекеттік қызметшіні оқытуды көздеп отырмыз.

Нұрмахан Закарин, қатысушыларды қолдау кеңсесінің директоры:

«Digital Kazakhstan 2026» форумының басты тақырыбы «Индустрия 5.0» төңірегінде. Бұл дегеніміз – болашақта мемлекеттік органдардың қызмет көрсетуі, халықтың өміріндегі барлық алатын қызметтерін қалай жеңілдетуге болатыны туралы IT – таланттар мен IT-шешімдерінің тоғысқан алаңы.