Жыл сайын 40 мыңнан аса адамнан қатерлі ісік анықталады

Жыл сайын шамамен 41 мың адамнан қатерлі ісік анықталады. Бұл туралы Қоғамдық денсаулық сақтау ұлттық орталығының басқарма төрағасы Эрик Байжүнісов хабарлады. Одан бөлек еліміздегі әр төртінші ересек адамда қан қысымы бар. Ал дәрі-дәрмек тұтыну көрсеткішіне сүйенсек, 4 миллионнан астам адам бұл дертпен ауырады. Олардың басым бөлігі дәрігерге жүгінбей, өздігінен ем қабылдайды. Осыған байланысты дәрігерлер халықты уақытылы медициналық тексеруден өтіп, денсаулыққа жауапкершілікпен қарауға шақырады.

Жыл сайын біз шамамен 41 мың адамнан қатерлі ісік анықтаймыз. Бұл – күніне 113 науқас деген сөз. Қазіргі таңда есепте 234 мың адам тұр. Ауруларды көбіне скринингтің арқасында ерте кезеңде анықтап жатырмыз. Ерте диагноз қойылса, ем нәтижесі де әлдеқайда тиімді болады. Басқа аурулар бойынша да дер кезінде жүгінген жағдайда, емді уақытында бастап, асқынудың алдын алуға мүмкіндік бар.