Digital Qazaqstan – цифрлық трансформация алаңы

Digital Qazaqstan елдің технологиялық және стартап экожүйесін дамытатын басты алаңға айналды. Қатысушылардың пікірінше, бұл форум ЖИ арқылы ірі компаниялар мен технологиялық ұйымдарды біріктіріп, цифрлық трансформацияны нақты іске асыруға мүмкіндік береді.

Тимур Қозыкеев, Шымкент хаб директоры:

Өңірлерге де үлкен технологиялық экономикалық мүмкіндік. Яғни бұл жерге үш жүзден астам инвесторлар келді. Еліміздің және шетелдің ауқымды және мықты IT мен технология мамандары келді. Бұл жердегі басты мақсат – ой-тәжірибе алмасу.

Еркебұлан Ілиясов, кәсіпкер:

Бизнестің және кәсіпорынның қандай да бір проблемасы болса, осы жас стартаперлар мен жас мамандар сол проблеманы ЖИ-мен болмаса, басқа да инновациялық қондырғылармен шешуге ұсыныс береді деп отырмын.