Бүгін сағат 20:30-да: Жарықты сөндір – табиғатты қолда

Бүгін «Жер сағаты» акциясы өтеді. Тура жарты сағаттан кейін халықаралық акцияға сіз де қолдау білдіре аласыз. Бір сағатқа үйдегі жарық пен электр құрылғыларын өшіріп қойсаңыз болады. Бұл бастамаға жыл сайын әлемнің 2 миллиардтан астам адамы қатысады. 180 елмен 7 мыңнан астам қаланың тұрғындары электр қуатын үнемдеуге үлес қосады. Экологиялық ауқымды шара биыл әлемде 19-рет, ал Қазақстанда 17-рет ұйымдастырылуда. Ірі қалалардағы бірқатар символдық нысандардың жарығы бір сағатқа сөндіріледі. Олардың қатарында Астана бойынша, Бәйтерек монументі, Астана Опера, Тәуелсіздік сарайы, Астана Арена, Алау мұз айдыны, сондай-ақ Әзірет Сұлтан мешіті бар.