186 мың бейнебақылау камерасы жұмыс істеп тұр

Алматыда қауіпсіздікті күшейту үшін 186 мыңнан астам бейнебақылау камерасы жұмыс істеп тұр. Қалада орнатылған камералардың 66 мыңнан астамы жедел басқару орталығына қосылған. Мамандардың айтуынша, цифрлық бақылау жүйесі қылмыстың алдын алуда тиімді құралға айналып отыр. Мәселен өткен жылы құқық бұзушылықтар шамамен 12%-ға, ал қылмыс деңгейі 11,8%-ға төмендеген. Сонымен қатар, ауыр және аса ауыр қылмыстар саны 3,8 пайызға азайған. Атап айтқанда, кісі өлтіру, қарақшылық, тонау және ұрлық деректері кеміген. Бұдан бөлек, 15 мыңнан астам камерада жасанды интеллект элементтері қолданылып жатыр.