Таяу Шығыстағы соғысқа йемендік хуситтер де араласа бастады

АҚШ пен Израильдің Иранға шабуылы басталғанына тура бір ай болды. Таяу Шығыстағы жағдай әлі ушығып тұр. Соғысқа енді йемендік хуситтер де араласа бастады. Олар алғаш рет еврей мемлекетінің аумағына ракета жіберді. Бұған дейін Тегеранмен одақтас қарулы топ, Ислам Республикасына қарсы агрессия доғарылмаса, аймақтағы әскери жанжалға тікелей килігетінін ашық ескерткен еді. Израиль болса, хуситтер жіберген зымыранды атып түсіргенін хабарлады.