Суға батып кеткен 8 жастағы бала іздестіріліп жатыр

Түркістан облысы Келес ауданында 8 жасар бала суға батып кеткен. Іздеу шаралары 5 күннен бері жалғасуда. Анасының айтуынша, ұлы  23 наурыз күні сағат 17:00 шамасында ойнап жүріп, арықтағы суға құлап кеткен. Ал арықтың суы Келес өзеніне барып құяды. Сүңгуірлер  баланы осы Келес өзенінен іздеп жатыр. 120-дан астам адам, 15 техника, жүзу құралы, ұшқышсыз ұшу апараты тартылған. Бірақ әзірге нәтиже жоқ.