Жаңа Конституция басқару жүйесінің тиімділігін арттырып, саяси жаңғыруға жаңа серпін береді

Жаңа Конституция басқару жүйесінің тиімділігін арттырып, саяси жаңғыруға жаңа серпін береді. Құжатта адам капиталын, ғылымды, білім беру мен инновацияны дамыту мемлекеттік саясаттың стратегиялық бағыттары ретінде айқындалды. Сондықтан референдум Қазақстанның халықаралық аренада абыройын арттырып, инвесторлардың тартылуына жол ашады, - дейді шетелдік саясаткерлер.

Альфия Когогина, РФ Мемлекеттік думасы шағын және орта кәсіпкерлік комитеті төрағасының бірінші орынбасары:

Референдум халықаралық талапқа сай, заң бұзушылықсыз өтті деп сеніммен айта аламын. Азаматтардың белсенділігі де жоғары болды. Дауыс берушілерге барлық учаскелерде жағдай жасалынды. Тіпті, мүмкіндігі шектеулі жандардың да құқығы қорғалып, олар өз таңдауын жасай алды. Мемлекеттік Думаның делегациясы байқаушы болып, Қазақстандағы референдумға қатысқан болатын. Барлығы жоғары деңгейде ұйымдастырылғанын атап өткен жөн.