Түркияда селден бір адам қайтыс болды

Түркияның бірнеше облысында нөсер жаңбыр соңы селге айналды. Кей жерлерде өзендер арнасын бұзып кетіп, қала көшелерін су басқан. Муғла провинциясында жолда жүріп бара жатқан бір жеңіл көлікті су ағызып әкеткен. Құтқарушылар көлік жүргізушісін аман-есен судан шығарып алғанымен, көліктегі екінші адамды құтқара алмады. Ал Анкара мен Ыстанбұл қаласында бірнеше күннен бері тоқтаусыз жауған жаңбырдан кей үйлерді су басып, тұрғындары қауіпсіз жерге көшірілген. Ауа райының қолайсыздығынан Ыстанбұлдағы Сабиха Гөкчен әуежайында 76 әуе рейсі кейінге шегерілді. Синоптиктер ел аумағы апта бойы жаңбырлы болатынын ескертті.