Ұлытау облысында 3 млн долларға бағаланатын есірткі тәркіленді

Ұлытау облысында қара нарықтағы құны 3 миллион доллар болатын есірткі тасымалдағандар қолға түсті. ІІМ Есірткі қылмысына қарсы іс-қимыл комитетінің хабарлауынша, мамандар «Жезқазған – Қарағанды» жолымен кетіп бара жатқан көлікті тоқтатып, тінтіген. Тексеру кезінде 13 бөлікке бөлінген 300 келіден астам қарасора табылған. Есірткі тасымалдауға қатысты 5 адам ұсталып қамауға алынды. Тәртіп сақшылары олардың апиын саудалау жолдарын алдын ала бақылап, аңдып отырған. Күдіктілер уақытша ұстау изоляторына қамалып, тергеу басталды.