Жаңа Конституция – елдің ұзақ мерзімді дамуына бағытталған құжат

Конституцияға енгізілген өзгерістер елдің ұзақ мерзімді дамуына бағытталған заңды үрдіс. Бұл өзгерістер халықтың сұранысы мен ұсыныстары негізінде әзірленді. Жаңа құжаттың ашық талқылаудан өткені, жалпыхалықтық референдум арқылы қабылданғаны Қазақстандағы демократиялық қоғамның қалыптасқанын көрсетеді, - дейді шетелдік сарапшылар. Олардың пікірінше, саяси реформа азаматтардың мүддесін, құқығы мен еркіндігін қорғауға бағытталған.

Андрей Данелян, Мәскеу мемлекеттік халықаралық қатынастар институтының кафедра меңгерушісі:

Жаңа Конституцияда саяси партиялардың институционалдық рөлі артады. Құжатқа отбасы мен неке қатынастарын реттейтін норманы енгізу неке институтының құқықтық мәртебесін айқындайды. Бұл әлеуметтік өзгерістер жағдайында отбасының құндылық бағдарын нақтылауға ықпал етеді. Мен барлық баппен танысып шықтым, Конституция ең жоғары заң стандарттарына сай.