Президент Қауіпсіздік кеңесінің отырысын өткізді

Бүгін Мемлекет басшысы Қауіпсіздік Кеңесінің отырысын өткізді. Онда 2021-2025 жылдарға арналған ұлттық қауіпсіздік стратегиясын жүзеге асыру қорытындысы шығарылды. Мемлекет басшысы геосаяси ахуалды ескере отырып, қоғамдық, экономикалық, экологиялық, су және азық-түлік қауіпсіздігі мәселелерін пысықтау қажеттігіне назар аударды. Бұдан бөлек, отырыста 2026-2030 жылдарға арналған ұлттық қауіпсіздік стратегиясының жобасы қаралды. Президент ұлттық мүддені қорғау міндеттерін сапалы орындаудың маңызына баса мән берді. Сонымен қатар Қасым-Жомарт Тоқаев экономика, білім мен технология салаларында сұранысқа ие білікті шетелдік мамандарды тартуға қолайлы жағдай жасайтын бағдарламаны жеделдетіп әзірлеуді тапсырды.