Алматы облысында автобус пойызбен соқтығысып, 6 адам зардап шекті

Алматы облысында теміржол өткелінде жол апаты болып, 6 адам жарақат алды. Оқиға Алматы–Боралдай бағытындағы Боралдай мен Шамалған станцияларының арасында болған. Алдын ала мәлімет бойынша, көмір тиеген пойыз өз жолымен жүріп келе жатқан. Ал автобус теміржолға  шығып кеткен. Салдарынан қоғамдық көлікте болған алты жолаушы түрлі деңгейде жарақат алып, ауруханаға жеткізілді. Қазіргі уақытта Алматы облысының полициясы аталған дерек бойынша тексеру жүргізіп, оқиғаның барлық мән-жайын анықтап жатыр.