Қызылорда облысында үш күнде жасөспірімдер арасында 300 құқықбұзушылық анықталды

Қызылорда облысында кәмелет жасқа толмаған жасөспірімдермен үш күнде 300 құқықбұзушылық анықталған.

Аймақта өткен жедел-профилактикалық іс-шарасының қорытындысымен полиция инспекторлары балаларының тәрбиесіне немқұрайлы қараған 22 ата-анаға әкімшілік хаттама толтырған. Жалпы 260 жасөспірім түне үлкендердің қарауынсыз ойын-сауық орталықтарында жүрген. Беймезгіл уақытта келушілердің жас ерекшелігін қадағаламаған 8 кәсіпкерлік нысан иесі жазаланды. Кәмелетке толмағандар арасында құқықбұзушылықтың алдын алу бағытында тәртіп сақшылары мұндай шараларды алдағы уақытта да жалғастыра бермек.