Израиль палестиналықтарды өлім жазасына кесе алады

Израиль парламенті терроризм үшін сотталған палестиналықтарды өлім жазасына кесу туралы заң қабылдады. Құжатқа Кнессет депутаттарының 62-сі қолдап дауыс берсе, 48-і қарсы болған. Премьер-министр Биньямин Нетаньяху да бастаманы құптады. Жаңа заңға сай Израиль басып алған Батыс жағалауда лаңкестік шабуылдар үшін сотталған палестиналықтар 90 күн ішінде дарға асылады. Бұл үкімнің орындалуын 180 күнге шегеруге болады. Алайда қамалғандар жазадан босатылмайды. Құжатты Израильдегі әсіре оңшыл күштер алға тартқан. Еуропа елдері жаңа заңды сынға алып, ол демократиялық қағидаларға нұқсан келтіруі мүмкін деп мәлімдеді.