1-сыныпқа құжат қабылдау мерзімі өзгерді

Биыл елімізде бірінші сыныпқа баратын бүлдіршіндердің құжаттарын қабылдау мерзіміне өзгеріс енгізілді. Оқу-ағарту министрі Жұлдыз Сүлейменованың мәлімдеуінше, биыл өтініштер 27 мамыр мен 31 тамыз аралығында қабылданады. Министр бұған дейін құжат тапсыру 1 сәуірде басталып келгенін, алайда оқу процесіне кедергі келтірмеу және артық қарбалас тудырмау үшін мерзімді қайта қарау туралы шешім қабылданғанын айтты.