Павлодарлық жастар «Таза Қазақстанға» тың тәсіл іздеуде

«Таза Қазақстан» акциясының тиімділігін арттыру үшін павлодарлық жастар тың әдістерді іздестіруде. Бүгін олар оқиғасы неғұрлым өмірге жа­қын, шынайы шыққан фильмдердің таңдамалы сюжетерін көпшіліктің назарына ұсынды. Тақырыбы - тазалықты сақтау, қоршаған ортаны қорғау. Көрсетілімнен кейін  ашық талқылау өткізілді. Қатысушылар табиғатты аялап, оны қорғауға қатысты ұсыныстарын ортаға салды. Бұл тек фильм көру емес, сонымен қатар нақты шешімдер қабылдайтын интерактивті алаң дейді ұйымдастырушылар.

Сәния Мұсайыпова, «Еріктілер» орталығының жетекшісі:

Бүгін бізде «Eco Cinema Night» атты іс-шара болады. Мұнда біз экологияға қатысты деректі фильм көреміз. Бұл шараның басты мақсаты - жастар арасында экологиялық мәдениетті, эко этикетті қалыптастыру. Одан басқа  қоршаған ортаны қорғау, қазіргі  проблемаларды насихаттау және олардың алдын-алу мәселесін қарастыру.