Ұлттық құрамалар толық спорттық киіммен қамтылды

Биыл Қазақстанның ұлттық құрамалары алғаш рет толық спорттық киіммен қамтылды. Бұған дейін бұл жүйе толық жолға қойылмаған еді. Мәселен, жазғы спорт түрлерінің өкілдеріне тек жеңіл киім, ал қысқы спортшыларға тек жылы киім берілетін. Жаңа экипировка әлемдік деңгейдегі брендпен жасалған келісім аясында үлестіріліп отыр. Қазіргі таңда форма жеңіл атлетика, бокс, дзюдо, семсерлесу, шорт-трек және өзге де спорт түрлері бойынша ұлттық құрамалардың бірқатарына табысталды. Бұл бюджеттен тыс қаражат есебінен сатып алынды.