Басты Жаңалықтар Коммуналдық тариф бағасын тұрақтандыру жұмыстары жалғасады

Коммуналдық тариф бағасын тұрақтандыру жұмыстары жалғасады

31.03.2026 20:09

Ертеңнен бастап елімізде коммуналдық тарифтерді көтеруге енгізілген мораторий аяқталады. Алайда жарық пен судың бағасы шарықтап кететін болды деп алаңдамаңыз. Үкімет өзгерістердің кезең-кезеңімен және нақты есепке негізделіп жүзеге асатынына кепілдік беріп отыр. Басты мақсат - халықтың қалтасына салмақ түсірмеу. Сонымен бірге бағаның күрт өсуіне жол бермей, елді сапалы әрі қолжетімді коммуналдық қызметтермен қамтамасыз ету назарда болмақ. Жанар-жағармай нарығында да тұрақтылық сақталады, дейді жауаптылар.

Әсел Серікпаева, ҚР Энергетика министрлігінің ресми өкілі:

Елде жанар-жағармай тапшылығы жоқ, қажетті қорлар толық көлемде қамтылған. Аймақтарда жергілікті атқарушы органдар, уәкілетті ведомстволар және нарық қатысушыларының қатысуымен жедел мониторинг штабтары жұмыс істейді. Олар күн сайын бағаны, отын қоры мен жеткізу логистикасын бақылап, кез келген ауытқуға жедел әрекет етіп, ішкі нарықтағы тұрақтылықты қамтамасыз етеді.

Автор

Ернұр Медет

Бөлісу