БҚО-да қоғамдық көлік мектеп автобусына соқтығысып, үш адам ауруханаға түсті

Батыс Қазақстан облысында қоғамдық көлік мектеп автобусымен соқтығысып, үш адам ауруханаға түсті. Оқиға Теректі ауданы Подстепное кентінде болған. Қоғамдық көлік мектеп автобусын түйіп, ол автобус бағдаршамда тұрған жеңіл көлікке соғылған. Жол апатынан зардап шеккендер арасында балалар да бар. Абырой болғанда, қаза тапқандар жоқ. Облыстық денсаулық сақтау басқармасының хабарлауынша, жарақат алған үш адам ауруханаға жеткізілген. Дәрігерге жүгінген қалған жолаушылар үйіне жіберілген. Оқиғаға қатысты қылмыстық іс қозғалды. Қоғамдық көлік жүргізушісі уақытша ұстау изоляторына қамалды.