АҚШ Иранға қарсы шабуылды екі-үш аптада тоқтататынын мәлімдеді

АҚШ-тың Иранға қарсы әскери операциясы екі-үш аптада аяқталуы мүмкін. Ақ үй басшысы Дональд Трамп осылай деп мәлімдеді. АҚШ президентінің айтуынша, соғыс Иранмен келісім жасалмаса да тоқтайды. Екі күн бұрын Трамп Тегеранмен келіссөздерде алға ілгерілеу бар екенін, ал ол сәтсіз болса, Иранды жойқын соққы күтіп тұр деген еді. Бүгін Ақ үй басшысы ұлтқа жолдауында Иранға қатысты жаңартылған ақпарат мәлім етпек. Тағы бір сөзінде Трамп Құрама Штаттар Иранға қарсы шабуылдан көздеген мақсаттарына жетіп, елді ядролық қаруға ие болу мүмкіндігінен айырды деп мәлімдеді.