Санкт-Петербургте қазақ мәдениетінің көрмесі ашылды

Санкт-Петербургтегі Таврия сарайында қазақтың мәдениеті, салт-дәстүрі бейнеленген көрме ашылды. Экспозицияда қазақстандық жас суретші Талғат Досмановтың қылқаламынан шыққан 27 көркем туындыны көруге болады. ТМД Парламентаралық Ассамблеясының штаб-пәтеріндегі көрмені тамашалағандар жоғары бағасын берді. Картиналарда ұлттық  құндылық айрықша көрініс тапқан. Соңғы жылдары бейнелеу өнеріне, қазақтың мәдениетіне шетелдіктердің тарапынан қызығушылық жоғары, дейді, - ұйымдастырушылар.

Біз үшін басты міндеттердің бірі ұйымның заңнамалық жұмысын қамтамасыз ету ғана емес, сонымен қатар мәдени-гуманитарлық ынтымақтастықты бекіту. Мұндай шаралар ТМД елдерін жақындастыратын нағыз мәдени көпірге айналады, қазақ мәдениетін өзге мемлекеттерге насихаттайды.