Тимур Сүлейменов: Теңге – тұрақты валюталардың бірі

Теңгенің долларға шаққандағы бағамы күрт өзгермейді. Ұлттық банктің төрағасы Тимур Сүлейменов осылай деді. Оның есебінше, шетел валютасының құны 600 теңгеге дейін жетеді деген болжам дұрыс емес. Бұған ешқандай негіз жоқ. Бұрынғыдай жеке қорды долларға аударып жинау да тиімсіз болып барады деді ол. 

Тимур Сүлейменов, Ұлттық банк төрағасы:

Қазақстан теңгесі өзінің тұрақтылығын дәлелдеді. Естеріңізде болса, кей сарапшылар кезінде 1 доллар мың теңге, 2 мың теңге болатынын айтқан еді. Сол уақытта біз оған іргелі де, нарықтық да алғышарттардың мүлдем жоқ екенін айттық. Тәжірибе көрсетіп отырғандай, теңге – тұрақты валюта. Өткен жылдың қорытындысында ол өте жақсы табыстылығын көрсетті. Қазіргі уақытта ең тартымды валюталардың бірі.