Жаңа салық кодексі әкімшілік рәсімдерді жеңілдетті

Жаңа салық кодексі енгізілгеннен кейін әкімшілік рәсімдер жеңілдеді. Бұл жөнінде Ақтөбеде кәсіпкерлермен кездесуде  Сенаттың Қаржы және бюджет комитетінің депутаттары мәлімдеді. «Салық кодексінің тұжырымдамалық мәселелері және оның бизнесті дамытуға әсері» тақырыбында өткен дөңгелек үстелге «Атамекен» ұлттық кәсіпкерлер палатасының өкілдері де қатысты. Салық кодексі экономикалық саясаттың негізгі құралының бірі. Сондықтан оны  қолдану тәжірибесі мен бизнесті дамытуға тигізетін әсері әрқашан ескеріліп отыруы керек дейді жиналғандар. Сенаторлар жұмыс сапары барысында өңірдегі ірі кәсіпорындардың жұмысымен де танысты.

Бекболат Орынбеков, Сенат депутаты:

Толық талдау жұмыстарын енгізіп, біз осыған нақты ұсыныс енгізуіміз қажет. Қай аймақта, қай белгілінген жобалар жүзеге асырылып жатыр? Себебі мемлекет тарапынан 2025 жылды қоспай тұрғанның өзінде 500 млрд-тан астам қаржы бөлінген. Неге? Ол сыртқы инфрақұрылымға, жол, жарық, тағы да басқа мәселелерге.