Адамзат тарихында 220 мың тоннаға жуық алтын өндірілген

Күні бүгінге дейін әлемде 220 мың тоннаға жуық алтын өндірілген. Ал оның нарықтағы құны 31 трлн доллар деп бағаланды. Мұны алтын бойынша Бүкіләлемдік кеңес жариялады. Мамандардың дерегінше, алтын қоры жылына шамамен 1,8% өсіп отырады. Алтын қорының басым бөлігі яғни 44%-ы зергерлік бұйымдар түрінде, 21%-ы - құймалар мен монеталар түрінде сақталған. Ал 18%-ы - орталық банктерге тиесілі. Алтын іс жүзінде жойылмайтын металл болғандықтан, бұрын өндірілген қорлар айналымда қала береді.