Жаңа Конституция елдегі инвестициялық ахуалды жақсартады

Жаңа Конституция Қазақстанға ірі халықаралық инвесторлардың келуіне жол ашады. Ықпалды парламенті бар Президенттік республикаға көшу арқылы заң үстемдігі артады, инвестициялық аухал жақсарады. Жаңа құжат Қазақстанның алдағы жылдары даму бағытын айқындайтын стратегиялық бағдар, -дейді шетелдік саясаткерлер.
Андрей Денисов, РФ Федерация Кеңесі халықаралық істер жөніндегі комитеті төрағасының бірінші орынбасары:

Қазақстандағы референдумды өзге мемлекеттер қызығушылықпен бақылады. Қазақстан ауқымды саяси реформаны жүзеге асырды, бұл барлық саланың дамуына, әлеуметтік жағдайдың жақсаруына сеп болады. Жаңа Конституцияны қабылдау процессі халықаралық стандарттарға сай өтті. Бір палаталы парламент елдегі заңнамалық жұмысты жетілдіре түсетіні сөзсіз.