Басты Жаңалықтар Жамбыл облысында ардагерлер саябағын тазалады

Жамбыл облысында ардагерлер саябағын тазалады

02.04.2026 13:12

Жамбыл облысындағы «Аmanat» партиясының Тұрар Рысқұлов аудандық филиалы белсенді жастардың басын қосып, Құлан ауылындағы «Ардагерлер» саябағын қоқыстан тазартты.

50-ге жуық ерікті жел кезінде құлаған ағаштарды шығарып, қураған бұталарды шапты. Көше жолдарын сыпырып, пластикалық қалдықтарды жинап шықты. «Жастар Рухы» жастар қанатының мүшелері қоқыс тазалап қана қоймай, өз қатарларын елдегі экологиялық мәдениетті көтеруге шақырып, өзара пікір алмасты.

Тоқсаба Тоқтасынов, Т.Рысқұлов ауданы «Жастар рухы» ЖҚ төрағасының орынбасары:

«Тазалық – саулық негізі, саулық – байлық негізі» деп жатамыз. Сол ұранды ұстана отыра бүгін ауданымыздың саябағына тазалық жұмысын жүргізіп жатырмыз. Бұл акция өзінің жалғасын алдағы уақытта да табады.

Автор

Данияр Әлімқұл

Бөлісу