Атыраулық өнерпаздар Париждегі байқауда жеңді

Атыраулық жас өнерпаздар Парижде өткен байқауда бас жүлдені жеңіп алды. Олар әлемнің түпкір-түпкірінен 200-ге жуық адам қатысқан «Париж жұлдызы» байқауында топ жарып, шетелдіктерді тәнті етті. Исатай ауданындағы Шәмшиден Шәріпов атындағы саз мектебінің «Әсем-ай» ансамблі Махамбет Өтемісұлының «Ей, Махамбет жолдасым» термесін орындап, қазылар алқасын таңқалдырды.