III тоқсан қорытындысы бойынша оқушылардың білім сапасы артқан

Үшінші тоқсан қорытындысы бойынша оқушылардың білім сапасында оң динамика байқалды. Жоғары нәтиже көрсеткен аймақтар қатарында Шығыс Қазақстан, Алматы, Жамбыл, Маңғыстау, Павлодар облыстары бар. Бұл туралы Оқу-ағарту министрлігінде өткен аппараттық жиында айтылды. Сондай-ақ «Адал азамат» бағдарламасы бойынша ауқымды жұмыстар атқарылған. Мектептерде жобаның бірыңғай брендбугы жасалып жатыр. «Заң және тәртіп», «Таза Қазақстан» бағытында көптеген іс-шаралар өткізілді. «Шын жүректен кітап сыйла», «Ананың аялы алақаны» челлендждері тәрбиеге көңіл бөліп, ата-аналардың оқу процесіне қатысуын арттырды. Жиын соңында министр жауапты құрылым басшыларына тапсырма беріп, білім сапасын арттыру және тәрбие жұмыстарын күшейтуді тапсырды.