Былтыр Ұлытау облысында 27 мың көшет отырғызылды

Ұлытау облысында «Таза Қазақстан» акциясы аясында қала көшелері тазартылып, қоқыстар шығарылды. Игі бастамаға табиғат жанашырлары, қала тұрғындары мен еріктілер атсалысуда. Жалпы өңірде 2029 жылға дейін 43 іс-шара жоспарланған. Былтыр күнтізбеге сәйкес, өңірде 13 облыстық және 17 қалалық сенбілік ұйымдастырылды. Сонымен қатар «Таза бейсенбі» акциясы тұрақты түрде өткізіліп келеді. Жалпы абаттандыру жұмыстарына шамамен 87 мың адам қатысып, 1 423 бірлік арнайы техника жұмылдырылды. Нәтижесінде 8 мың тоннадан астам қоқыс шығарылып, 27 мыңнан астам ағаш көшеті отырғызылды.