Германияда ер адамдар шетелге шығу үшін әскери рұқсат алуға міндетті

Германияда 17 мен 45 жас аралығындағы ер адамдар шетелге үш айдан артық уақытқа кету үшін әскери рұқсат алуға міндеттелді. Мұны осы елдің қорғаныс министрлігі Би-би-си-ге жіберген хабарламасында растады.

Жергілікті қарулы күштер басшылығының сөзінше, әскери қызметті модернизациялау туралы заң қаңтардың 1-де күшіне енген. Ол құжаттың мақсаты – Ресей армиясының Украинаға басып кіруіне байланысты Германияның қорғаныс қабілетін мейлінше арттыру.