Атырауда 7 жастағы оқушыны көлік қағып кетті

Атырауда жаяу жолдан өтіп бара жатқан 7 жасар оқушыны көлік қағып кетті. Жедел жәрдем келгенше бүлдіршін көз жұмды. Полиция департаментінің мәліметінше оқиға бүгін таңертең 7:45 шамасында болған. Қазір 1974 жылы туған жүргізушіге қатысты тергеу амалдары жүріп жатыр.

Мейірім Ердәулет, облыстық ПД баспасөз хатшысы:

Аталған дерек бойынша қылмыстық іс тіркеліп, тергеу жүргізілуде. ПД жүргізушілерді жол қозғалысы ережелерін қатаң сақтауға, әсіресе жаяу жүргіншілер өткелдерінде жылдамдықты төмендетіп, аса мұқият болуға шақырады. Ата-аналарға балалардың жолдағы қауіпсіздігін қатаң бақылауда ұстау қажеттігін ескертеді.