Президент Қаржылық мониторинг агенттігі төрағасын қабылдады

Міндетті әлеуметтік медициналық сақтандыру қаражатын жымқыру деректері бойынша 14 сотқа дейінгі тергеу басталған. Мұны Президент қабылдауында болған Қаржылық мониторинг агенттігінің төрағасы айтты. Жанат Элиманов бюджетті пайдалану бойынша жүргізілген мониторинг қорытындыларын баяндады. Мал шаруашылығы саласына бөлінген 30 миллиард теңге субсидия тиімсіз жұмсалғанын жеткізді. Ғылыми зерттеулер мен ғылыми-техникалық жобаларды коммерцияландыруға бағытталған 10 миллиард теңгеден астам қаржы да мақсатсыз пайдаланылған. Құрылыс саласында 5,3 миллиард теңгені заңсыз иемденуге қатысты 21 қылмыстық іс қозғалған. Кездесу соңында Мемлекет басшысы агенттік жұмысының негізгі бағыттары бойынша нақты тапсырмалар берді.