Таразда қазақ дизайнерлерінің ерекше туындылары көпті тәнті етті

Таразға Тұмар ханшайым тіріліп келгендей болды. Көрермен Бұқара Бөрте мен Бопайлардың заманына барып келгендей әсер алды. 

Өйткені қалада қазақ дизайнерлерінің қатысуымен фестиваль өтіп, түрлі сәндік киімдер көрсетілді. Шара «Республика» және «Ауыл» партияларының бастамасымен креативті индустрияны дамытуға бағытталған. 20-дан астам отандық шебер өздері тіккен өнімдері арқылы қазақ халқы ежелден сәнді киім киіп, салтанаты жарасқан ұлт екенін паш етті. Сондай-ақ олар түбі бір түркі халықтарына ортақ этно нышандармен әдіптелген киім үлгілерін де көрсетті. Көрермендерге шеберлердің көне стиль мен заманауи үлгіні ұштастыра білгені ұнады.