Атыраудағы қоқыс полигоны әлі өртеніп жатыр

Атырауда қоқыс полигоны өртеніп қаланы жағымсыз иіс басты. Кеше түнде басталған өрт әлі ауыздықталмады. Қызыл жалынның аумағы 2500 шаршы метрге дейін жетті. Жалынды сөндіру үшін 35 техника мен 65 адам жұмылдырылды. Өрттің неден тұтанғаны әзірге нақты белгісіз.

Сұлтан Есенғалиев, «Арнаулы автобаза» ЖШС бөлім басшысы:

Топырақ техникамен нығыздалып, қабат-қабат етіп төселеді. Нығыздалғаннан кейін метан газы пайда болады. Сол жоғары көтеріліп, қай жер нашар нығыздалған, сол жерден өрт боп шығады. Қазір техника қолданыста бар. Өз күшімізбен сол техникаларды жұмылдырып жатырмыз.