Астанада Президент саябағы аумағын тазалады

Астанада Президент саябағының аумағы тазартылды. «Таза Қазақстан» акциясы аясында өткен шара барысында жастар өзен жағасын да қалыпқа келтірді. Бұдан соң жиналған қалдықтарды сұрыптап, қайта өңдеуге әзірледі. Бұл сенбілік экологиялық мәдениетті қалыптастыру мен азаматтық жауапкершілікті арттыруға бағытталған жүйелі жұмыстың бір бөлігі, дейді ұйымдастырушылар.

Бізде бүгін жүз шақты жас жиналған болатын. Олардың кейбіреулері студенттер, мектеп оқушылары, кейбірі жұмысшы жастар бар. бірақ барлығымыз бірге қаламыздың қандай да бір бөлігін тазарту мақсатында келген болатынбыз. «Таза Қазақстан» аясында жұмыстар жүйелі тұрғыда өткізілуде.