Елімізде несие алатындар азайған

Банктер кредит беруді азайтты. Қаржы нарығын реттеу және дамыту агенттігінің мәліметінше, несиеге өтінім саны 13,7 пайызға төмендеген. Әсіресе кепілсіз несиеге сұраныс бір жылда шамамен 17 пайызға кеміген. Биыл шаруалар мен кәсіпкерлерден несиеге өтініш азайыпты. Атап айтсақ, өнеркәсіпке берілетін кредиттер 2 жарым пайызға, құрылысқа 2 пайызға, ауыл шаруашылығына 3,2 пайызға төмендеген. Қаржы ұйымдарының табысы да жылдағыдай емес. Биыл 389 млрд теңге пайда көрген. Бұл былтырғы жылдан 13,4 пайызға аз.