Сот жүйесіндегі реформалар оң нәтиже беруде

Елдегі сот жүйесінде кадр тапшылығы мәселесі кезең-кезеңімен шешіліп келеді. Бұл туралы бүгін Астанада өткен брифинг барасында баяндалды. Жалпы, қазіргі кезде бос орындарды толықтыру көрсеткіші 131 пайызға жетті. Жоғары Сот Кеңесінің мәліметінше, енді үміткерлерді іріктеу процесі небәрі 3 ай ішінде жүзеге асырылады. Сот жүйесіндегі реформалар нақты нәтиже бере бастады. Астанада үш кассациялық сот іске қосылып, жүйенің жаңа құрылымы қалыптасты. Сондай-ақ талаптар күшейіп, үміткерлердің тек 24,5 пайызы ғана сыннан мүдірмей өтті. Ал шілдеден бастап кадрлық үдерістер толық цифрландырылады.

Жанат Оспанова, Жоғары Сот кеңесінің мүшесі:

Потенциалды мүдделер қақтығысын болдырмау және судьялардың тәуелсіздігіне кепілдіктерді күшейту мақсатында Кеңес құрамынан Бас Прокурор шығарылды. Кеңес мүшелерінің нақты саны 16 адам болып бекітілді. Оның ішінде Кеңес Төрағасы, 8 судья, әрбір сот сатысынан 2 судьядан, оның ішінде Жоғарғы Сот Төрағасы мен 7 Парламент пен заңгерлік қоғамдастық өкілдері. Бұл өзгерістер халықаралық стандарттар мен сарапшылар ұсынымдарына толық сәйкес келеді.