Қарағанды облысында 3 күнде 3 мыңнан аса құқық бұзылған

Қарағанды қаласында соңғы 3 күнде 3000-нан аса әкімшілік құқық бұзушылық анықталды. Қазір шаһарда күшейтілген режимде рейдтік жұмыстар жүргізілуде. Соның арқасында сенбі күні 800-ге жуық жол жүру ережесін бұзу дерегі тіркелген. Олардың арасында мас күйінде көлік айдаған 17 жүргізуші бар. Онымен қоса көлік жүргізу құқығынан айырылған, жалған нөмір пайдаланған, қарсы жолаққа шыққан 20-ға жуық жүргізуші жазаланды. Ал облыс аумағында «Тоқта – құқықбұзушылық» атты ауқымды жедел-профилактикалық іс-шара өтуде. Оған жергілікті сақшылардан бөлек Ақмола облысы мен Астанадан келген арнайы экипаждар да жұмылдырылған.

ІІМ жоспары бойынша Астана ПД жеке құрамы және Ақмола облысының ПД жеке құрамы қосылып жатыр. Заңдылық пен тәртіп қағидатына байланысты біздің бірінші мақсатымыз – ешқандай құқық бұзушылық пен жол апатын болдырмау.