Дағыстан су тасқынының үшінші толқынын күтуде

Дағыстанда су тасқынының үшінші толқыны күтілуде. Өңірде наурыз айының соңында төтенше жағдай жарияланған. Толассыз жаңбыр мен таудағы еріген қардың суы тасқынға айналып, өзендер арнасынан асты.  Салдарынан 15 мыңнан астам адам зардап шегіп, алты тұрғын қайтыс болды, із-түзсіз жоғалғандар бар. Құтқару жұмыстары әлі де жалғасуда. Қазіргі уақытта 1,5 миллионнан астам адам  қауіпті аймақта қалып отыр. Бүгінгі күні 1,5 мыңға жуық үй су астында. Табиғи апаттың салдарын жою үшін Үкімет деңгейінде арнайы комиссия құрылды.

Барлық тұрғынды эвакуацияладық. Қосымша жұмыстар жүргізілуде. Жедел топ оқиға орнында жұмыс істеп жатыр, кейбір үйлер опырылып түскендіктен, қауіп әлі де жоғары.