Алматбек Аманбек грек-рим күресінен Азия чемпионы атанды

Грек-рим күресінен Қырғыз елінің астанасы Бішкекте өтіп жатқан Азия чемпионатында ел қоржынына алғашқы алтын түсті. 72 келі салмақ дәрежесінде Алматбек Аманбек чемпион атанды. Іркітеуде алдымен қытайлық Ли Дуньюйден басым түссе, жартылай финалда алаң иесі Амантура Исмаиловтан айласын асырды. Ал финалда ирандық Мохаммад Джавад Резаймен кездесіп, мерзімінен бұрын жеңіске жетті.