Пасха мерекесіне орай Украинадағы соғысқа үзіліс жарияланды

Ресей президенті Владимир Путин Пасха мерекесіне орай Украинадағы соғысқа үзіліс жариялады. Мұны Кремльдің баспасөз қызметі хабарлап отыр.

Оның дерегінше, үзіліс 11 сәуірде сағат 16:00-де басталып, 32 сағатқа созылады. Кремльдің өзге бір мәлімдемесіне қарағанда, бас штаб пен қолбасшылыққа барлық бағыттағы әскери әрекеттерді тоқтатуға бұйрық берілген.

Көп кешікпей Украина президенті Владимир Зеленский мәлімдеме таратып, өз елінің де Пасха кезінде атысты доғаратынын хабарлады. Әрі ол Ресейде бітімді мерекеден кейін де жалғастыратын мүмкіндік барын атап өтті.