Жүргізуші куәлігін алу тәртібі өзгереді

Жүргізуші куәлігін алу тәртібі өзгереді. Бұдан былай емтиханды ақылы негізде тапсыра беруге болады. Тек арасы 10 күннен кем болмауы тиіс. Бірақ емтихан кезінде қандай да бір заңбұзушылық болса, 1 жылға шектеу енгізіледі. Ал талапкерге жәрдемдескен тұлғалар әкімшілік жауапкершілікке тартылады. Емтихан барысын жасанды интеллект бақылайды. Сондай-ақ автомектептерге қойылатын талап та күшейтілмек. Яғни олардың қызметін лицензиялау енгізу жоспарланып отыр. Егер жүргізушілерді даярлау сапасы төмен болса, лицензия кері қайтарылмақ. «Аталған шаралар артық шектеулерді жоюға, саланың ашықтығы қамтамасыз етуге және сондай-ақ сыбайлас жемқорлық тәуекелдерін төмендетуге бағытталған», - дейді жауапты министрлік.