Түркістан облысында шегірткемен күрес күшейтілді

Түркістан облысында үйірлі шегірткеге қарсы іс-шаралар күшейтілді. Мамандар биыл ауа-райының қолайлы болуынан зиянкестер жылдағыдан ерте шыққанын айтады. Қазір өңірде арнайы штаб құрылып, 13 ауданда дәрілеу жұмыстары басталды. Зиянкестердің ошағын жоюға 2 мыңнан астам адам жұмылдырылған. Шегіртке таралған аумақтар 65 аймаққа бөлініп, 65 жұмыс тобы жұмыс істеп жатыр.  Химиялық өңдеу шараларына 278 арнайы техника мен 60 су тасығыш көлігі тартылған. Шегіртке жердің бетіне толық шыққан соң, олардың қатарына 4 бірлік АН-2 ұшағы мен 3 дрон қосылады. Жалпы облыс бойынша 900 мың гектардан астам аумақ бақылауға алынып, мониторинг жүргізіліп жатыр.