Үздік экологиялық жобалар анықталды

Студенттер арасында үздік экологиялық жобалар анықталды. «Таза Қазақстан» экологиялық акциясы аясында өткен CYCLELAB конкурсының үздіктері бүгін Астанада марапатталды. Бас жүлде медициналық қалдықтарды қайта өңдейтін технологияны ұсынған студенттерге бұйырды. Байқауда қалдықтарды қайта өңдеу, ақылды сұрыптау жүйесі және есеп пен логистикаға арналған цифрлық шешімдер сынды бірқатар бағытқа басымдық берілген. Жүлде қоры 3 млн 700 мың теңге. Байқау экологияға жауапты қоғам қалыптастыруды және елдің тұрақты болашағына бағытталған инновацияларды қолдауды мақсат етеді.

Бір ай уақытында біз медициналық қалдықтарды зерттедік. Қаншалықты ол бізде қауіпсіз, я қауіпсіз емес. Қайта өңдеу арқылы біз құрылыс жабдықтарын жасаймыз, сосын күнделікті құралдар. Сіз қолданатын микрофон, рамкалар пластиктен, қағаздар және т.б. құрал-жабдықтар жасауға қолданамыз.