Жаңа Конституция – халықтық сипатқа ие

Жаңа Конституция – халықтық сипатқа ие. Бұл құжатты  қоғамның барлық өкілі өзара талқылап, пікірін білдіруі тиіс. Осылай деген ғалымдар бүгін «Қазақстан мемлекеттілігінің тарихи дамуы контексіндегі Халық Конституциясы» атты ғылыми семинар өткізді. Тарихқа көз жүгіртсек, еліміздің құқықтық негіздері тереңде жатыр. Мысалы, «Қасым ханның қасқа жолы» мен Тәуке хан «Жеті жарғысы»  өз заманында қоғам өмірін реттеп отырды. Жаңа Ата заң - сол тарихи дәстүрдің жалғасы. Семинар барысында айтылғандай, қазіргі заманда білім, ғылым және инновация басты құндылыққа айналып отыр. Сондықтан Халық Ата заңын ғылыми тұрғыдан зерттеу ғана емес, оны қоғам санасына сіңіру де аса маңызды, - дейді зерттеушілер.

Енді халықтың басым көпшілігі қолдап дауыс бергеннен кейін Ол Халықтық Конституция сипатына ие. Ол мемлекет басшысы Қасым-Жомарт Кемелұлы Тоқаевтың өзі айтты ғой: біздің яғни Тәуелсіздіктің отыз бес жылдығы аясында қабылданған Конституция алдағы бағыт-бағдарымызды айқындайды. Демек халықтың өзінің көпшілігімен қабылданған Конституция енді бұл адамның іс-әрекетінен көрініс табуы керек.