Қызылордада өрт шыққан балабақшадан 88 бала құтқарылды

Қызылордада жекеменшік балабақшадан өрт шығып, 80-нен астам бала құтқарылды. Барлығы дін аман.

Оқыс оқиға қаладағы Ақбілек-орда бөбекжайында болған. Жалын екі қабатты нысанның жертөлесінен тұтанған. Өрт сөндірушілер келем дегенше сол маңнан табылған азаматтардың көмегімен 93 адам сыртқа шығып үлгерген. Оның 85-і бүлдіршін. Кейін құтқарушылар ғимараттан тағы 2 ересек және 3 баланы алып шықты. Жедел әрекет еткен мамандар отты дер кезінде сөндірді. Жалпы қызыл жалын 28 шаршы метр аумақты шарпыған. Өрттің себебі анықталып жатыр.