«Құқықтық дәріхана» акциясы ұйымдастырылды

Шара барасында прокуратура органдарының мамандары 250-ге жуық тұрғынға тегін құқықтық кеңес берді. Азаматтар негізінен әлеуметтік қамсыздандыру, еңбек қатынастары, тұрғын үй, салық және жер мәселелері бойынша сұрақтарын қойды. Мамандар әрбір өтінішті жедел қарап, нақты шешімдер ұсынды. Акцияның басты мақсаты – түрлі мәселелердің жедел түйінін табу, дейді ұйымдастырушылар.  Жыл басынан бері «Құқықтық дәріхана» шарасы аясында мыңнан астам азаматқа қызмет көрсетілді.