Оқушылар мен студенттер арасында хакатон басталды

Мектеп оқушылары мен студенттерден құралған 40-тан астам команда бүгін өзінің жобаларын қалалық хакатонда ұсынып жатыр. Жастар сайысқа жасанды интеллект, агроинновация, тұрақты даму, қолөнер сынды бағыттарда инновациялық шешімдерін алып келген. Ұйымдастырушылардың сөзінше, қатысушылар заманауи қалалардың нақты мәселелеріне шешім табу керек. Хакатон нәтижесі бойынша, үздік екі команда республикалық кезеңге жолдама алады. Ал жүлде қоры – 600 мың теңге.

Менің жобам медициналық бағытта. Осы жасанды интеллектіні біз бағдарламаға қосымша ретінде енгізетін болсақ, адамдар өзінің симптомдарын, қандай да белгілерді байқаса, соған енгізеді. Ал ЖИ нақты бір шараны ұсынады.